يبدو ان الامر سيطول على شعبي المسكين حتى تفرج ازمة العركة على الجدرية .....
لأني وبكل صراحة كلما افتح التلفزيون على الاخبار الكــــة المذيعة تكول......
(جاري تشكيل الحكومة)
اريد افتهم جاري شعليه؟
معقولة سبب هاي المصايب من ورة جاري
هنااااك ....
جان اطك روحي ..... رحت سألته ....كَتله يابه يا جاري انتة شنو....؟ ليش ما اتفضهة بعد..؟شنو منتضر...؟
مو انريد انصفكَـ....!!, ونسويلنه جم هوسة للحكومة الجاية............
كَالي عمي اني معليه, كلهة من ورة الحجي الجبير يكول لو العب لو اخرب الملعب ....
ومجلب بالجماعة ويكللهم فدوة لعينكم رهموهة ...
لان لازم اصير بس اني
والله ودا اعشم هذا و اقشمر هذا واداري هذا بكم منصب عسة يرضون ويخلوني اصير
......
.....
....
اوووف يا جاري كلشئ يفتهم
وهوة كالي
هاي الانتخابات راح تنعاد
بس مية بالمية الخسران الجديد هم ما راح يقبل بالنتائج
وراح اتصير مصالحة وطنية ومحاصصة وحزب الأقوى وحزب الأكثر
وابن عمي وابن خالي و... تدرون بعد لازم انداري كَرايبنة
وارجع وااكد اهم شئ المصالحة ع الجدرية
بس الي محيرني ومخليني اسئل الاسئلة...
يعني ميخالف ضلوا شكلوا
بيكم خير وتفاوضوا
عسى ما مية سنة
بس مو الناس شلون.........
خدماتهم ...........!!
احتياجاتهم.........؟؟؟
ادري متخافون من ربهم ؟
مابيهم حوبة ؟
وترة جاري حذر من تفاقم الوضع لو نسيتوا
وأووووف يالكهرباء بس لواعرف شنومشكلتهم وياها
هــيــجّــتّ الناس عليهم وفضحتهم
لوينطوها لـــ جاري جان فضهة من زمان
شيرادلها مولدة وشغلوها
شنو ماكو بانزين لو ماكو كاز
لوماعنكم فلوس تشترون مولد....
....
....
....
..
الرئيسية 
