أمثال شعبية جزائرية

أمثال شعبية جزائرية

يَرْمِي رَاسُه مَنْ الطَّابَقْ الْعَاشَرْ،
وَيْـﭬُولْ يَا مُولاَيْ عَبْدَ الْقَادَرْ.
*
الَّعْرُوسَة فَى الْعَامْ الأَوَّلْ يْوَكّْلُوهَا حَبّْ الْمْلُوكْ وَتَرْفَاسْ،
وَفَى الْعَـامْ الزَّاوَجْ يْخَدْمُـوهَا كِعْبِيـدْ فَـاسْ،
وَفَى الْعَـامْ الثَّالَـثْ يْشَبّْعُـوهَا سَبّْ وَتَعْفَـاسْ.
*
فَى الصِّيفْ يْكَثْرُوا الأَّعْرَاسْ،
وَفَى الَخْرِيفْ الشّْرُوعَاتْ وَالتَّهْرَاسْ.
*
فَى الصِّيفْ الزّْغَارِيدْ وَالشّْطِيحْ وَالرّْدِيحْ،
وْفَى الْمَشْتَا التّْوَاوَغْ وْالْأَرْوَاحْ أَطِّيحْ.
*
اَلنَّاسْ تَكْبَرْ وْتَعْقَالْ، هُوَ يَكْبَرْ وَيْزِيدْ فَى اللَّهْبَالْ.
*
مَا فَكَّرْ فَى نَاسُه، حَتَّى طَاحْ عْلَى ﭬَـنَّةْ رَاسُه.
*
لَمَّا كَانَتْ حَاكْمَتْ لُه تْكَبَّرْ عْلِينَا،
وَلَمَّا طَاحَتْ بِهْ الأَيَّامْ جَاء يْتَوَسَّلْ بِنَا.
*
اَللِّي دَايَمْ يْبَسَّلْ، كُلّْ وَاحَدْ مَنُه يَتْنَسَّلْ.
*
اَللِّي يْكُونْ عَاقَلْ أَكْثَرْ مَنْ اللاَّزَمْ، يَتْسَوَّطْ بَالْحْزَازَمْ.
*
اَللِّي يَشْكُرْ رَاسُه، يْمَلُّوهْ حَتَّى نَاسُه.
*
حْسَابْنِي أَوْلاَدِي لَّعْـﭬَـايَبْ، صَبْتْهُمْ عْـﭬَـارَبْ.
*
اَللِّي يْطِيعْ الْوَالْدِينْ، يَعْطِيه اللَّهْ وْلاَدْ صَالْحِينَ.
*
يَاكْلَهْ حْمَارْ جَارِي، وَلاَ يَدِّيهْ الطَّمَاعْ الْـﭭُورَارِي.
*
لَمَّا اطّْفَّرْ وَيْفُوتْ الأَوَانْ، يَكَّثْرُوا عْلِيكْ الرِّيَّانْ.
*
اللِّي اعْطَاكْ كَلْمَة وْخَالَفْ، غِيرْ عَدَّهْ مْعَ لَحْلاَلَفْ.
*
وَاشْ تَتْمَنَّى لَلْغَدَّارْ، غِيرْ خْلاَ الدَّارْ.
*
الرَّجَلْ اللِّي مَا عَنْدُه قْدَرْ، يْعَامْلُوه النَّاسْ كِمَا يْعَامْلُوا لَبْـﭬَـرْ.
*
اَللِّي بْغَى الشُّهْرَة، يْجِيبْ الضّْيَافْ بَالْعَشْرَة.
*
اَللَِّي يَشْرِي الْحَاجَة بْلاَ مَا يْسَقْصِي شْحَالْ تَسْوَى،
يَضَّرْبُـوهْ خُـوتَكْ للَّكْلاَوِي حَتَّـى يَتْلَـوَّى.
*
اَللِّي يْشَدّْ بِيَدُّه وَقْرُه، حَتَّى حَدّْ مَا يْنَقْرُه.
*
اَللِّي دَايَمْ يْدَّرَّڤْ بَبُوهْ وَبْجَدُّه، كِي اللِّي فِي يْدُّه عْظَمْ يْكَدُّه.
*
فِي تَاخِيرْ الزَّمَانْ، يَتْشَبَّهْ الرَّاجَلْ بَالْمْرَة وَالْمْرَة بَالرَّاجَلْ وْقَلّْ الأَمَانْ.
*
اَللِّي يْبَنْدَرْ للَّسّْيَادُه، يَحْتَقْرُوهْ حَتَّى وْلاَدُه.

هههههههههههههههههههههههههههههههه

يعطيك الصحة حنونتي كلام في صواب

بصح وجدي روحك لترجمة

تحياااااااااااااتي

موضوع: امثال شعبية الأحد يناير 24, 2010 3:40 am

:lol:يَرْمِي رَاسُه مَنْ الطَّابَقْ الْعَاشَرْ،
وَيْـﭬُولْ يَا مُولاَيْ عَبْدَ الْقَادَرْ.
حلوة الامثال العربية موضوع جميل جدا تقبلي مروري

اضنها كلمات عربية سهلة نوعا ما لفهم لا تحتاج الي الترجمة الفورية
بارك الله فيك اخت ليندا ننتظر المزيد من الامثال لان الجزائريين الله يبارك كلمهم كله امثال و حكم

اللِّي اعْطَاكْ كَلْمَة وْخَالَفْ، غِيرْ عَدَّهْ مْعَ لَحْلاَلَفْ.

علابالك هاذي المخيرة
هههههههههه
تقبلي مروري

» بوقالات جزائرية
» مجموعة نكات جزائرية حلوة